我的第一篇關於韓國pre-wedding心得 | TAEHEE WEDDING

//我的第一篇關於韓國pre-wedding心得 | TAEHEE WEDDING

我的第一篇關於韓國pre-wedding心得 | TAEHEE WEDDING

 

嘻嘻, 這是我第一篇關於結婚的blog

我們的大喜日子 : 03/03/2017
想不到會是為了分享pre-wedding 而寫
其實本來在香港已join 了一間pre-weddin公司, 而且已經拍攝完畢, 但是整體感覺及成果都與想像中有出入.
帶來不太愉快經驗(後話下篇再說)所以…..有些少想再影過……..
本身之前成日睇人哋啲blog 去韓國studio 影啲相已經覺得好靚尤其喺我今次揀既studio, 已經喺數一數二,出晒名, 佢嗰花牆

自己本身又鐘意韓國,已經十級衝動想去, 但係……我男朋友係一個極討厭韓國既人, 而且其實影埋係會超支tim
終於……………………………………
任性既我…..唔理三七二十一, 比晒錢落訂, 先同男朋友講, hohoho
經過一輪格價, 做research, 發現 仲有好多studio 都好靚㗎
但係我係唔可以貪新忘舊㗎
最後係點比我搵到Teahee wedding? 其實係佢哋搵我, 佢地係一間台灣公司嚟㗎, 唔知道婚展佢有無擺booth, 我只係知道之前佢哋係六國酒店有road show之類既嘢, 要事先登記, 最後我係無去到既.
但係竟然兩個星期後, 佢哋主動聯絡我, 話介紹番當日既優惠比我, 嗰customer service 又好有禮貌咁講到我明為止(因為佢係講國語), 價錢又中肯, 於是就係咁揀咗Teahee wedding 喇
簽完約, 佢哋好快就send 咗出發前需知, 拍攝服務流程說明, 行程規劃表比我……..
我由始至出發, 其實都未見過佢哋任何一個員工㗎, 靠既係嗰”信”字㗎咋, 我哋之間只喺用whatsapp 聯絡, 都咪話唔驚, 
臨出發前, 佢哋仲好貼心咁介紹入住既酒店周圍有乜嘢食, 話比我聽韓國嗰邊既天氣, 記得帶多件衫…….

記得到埗後第二日,我哋要到RIA BRIDAL婚紗店.試婚紗先 嗰度既副院長就係地鐵站等我,佢好似韓國人㗎但係普通話講得好流利, 一問之後先知道佢係台灣人, 老公先係韓國人

佢就係咁介紹有乜款式,試著前幫我櫬吓載乜頭飾,睇到整體效果.我試咗好幾套,有玫瑰花pattern,有簡單乜都無既,有黑色既晚禮服.一件婚紗可以配搭唔同既外套仔,佢哋叫做外薄紗,就可以一件婚紗變化唔同款式

新郎既西裝款式都有好多,佢幫新郎試穿咗很多不同顏色外套,唔知係咪人係韓國既關係 ,覺得男朋友著住套西裝試好有韓仔feel (發緊夢)

 

結果我揀咗一套黑色晚禮服,一件有玫瑰pattern婚紗

休息一日.

到埗後第四日先至係拍攝日!

一早翻譯已經係酒店等緊我哋,Teahee 為我哋安排咗廣東話翻譯員,超好!!溝通方便容易得多,

我哋就出發ru,先去salon set 頭化妝

嘩!!!!!韓國的化妝!!!!!完勝!態度服務一流.

每個step 都由唔同既人, 化底裝一個, 彩裝一個, 髮型一個, 頸部至膊頭打底又一個……..

professional!

等埋阿朱媽嚟到再去studio (因為studio係郊外, 車程要半個鐘)

呢個阿朱媽係乜水???

佢就重要喇!!!佢係由婚紗店派嚟跟出跟入, 為你整理好全日既婚紗,幫你換唔同既外薄紗 頭飾, 髮型有乜唔會第一時間衝埋嚟幫你整番好,佢仲緊張過你,無佢既話,我諗一定”拿手唔成勢”所以佢啲觸覺都有番咁上下, 分分鍾佢攰過你

 

攝影師大叔不知幾好人, 叫我哋擺自然既pose, 自由度大, 唔似得係香港嗰時影咁靦腆.

而且只係喺室內一個地方走嚟走去, 唔係太攰

影到下晝四點幾, 就收工喇, studio 都要收啦.

最好就係我當日拍攝氣氛異常地好, 無乜意外, studio 只有另外一對新人同一時間拍攝, 唔會阻大家又唔尷尬!

拍攝完畢,當日就可以拎到毛片返酒店 阿朱媽, 翻譯 同我哋車返婚紗店,就各散東西了.
總的來說, 今次係一個非常好既經驗
而我都無後悔揾taehee wedding
有興趣就去睇吓啦!
By | 2017-09-17T15:03:35+00:00 March 4th, 2017|Blog|Comments Off on 我的第一篇關於韓國pre-wedding心得 | TAEHEE WEDDING